Blog

Bi aitzakia handi jartzen ditugu beti ariketa fisikorik ez egiteko edo gimnasiora ez joateko. Bata "denborarik ez dut" da eta bestea "leher eginda nago". Nagikeriak gure kontra joka dezake, horregatik hemen dituzu 10 trikimailu hura gainditzeko.

Ordu finko bat. Ohitura bat sortzea oso garrantzitsua da ariketa fisikoarekin duzun hitzordua ez galtzeko. Ezarri ordutegi finkoa eta aukeratu normalean ondoen datorkizun edo ondoen sentitzen zaren unea.

Prestatu gauzak aurretik. Dena prest uzten baduzu, errazagoa izango zaizu. Eta lanaren ondoren joan behar baduzu, adibidez, eraman ezazu zurekin, etxetik pasatu beharrik gabe zuzenean joateko.

Bilatu lagun bat. Lagun egiteak beti laguntzen du. Norbaitekin konprometitzeak beti laguntzen dizu nagikeria alde batera uzten.

Entzun musika aurretik eta bitartean. Prestatu zure playlist gogokoena eta jarri bidean zaudenean. Motibatzen lagunduko dizu.

Hartu kafe bat edo jan platanoa edo fruitu lehorrak. Entrenatu baino ordubete lehenago kafe bat hartzeak animatu egingo zaitu. Gainera, ez da ona gosez joatea, beraz, entrenatu baino ordu erdi lehenago, jan fruitu lehorrak edo platano bat.

Jarri erronkak. Ona da erronkei aurre egitea. Lasterketa batean parte hartzea, adibidez, motza izan arren, erronka ona da.

Aukeratu gustuko jarduera bat. Aukeratu duzun kirola edo jarduera gustuko duzunean edo ondo pasatzen duzunean, beti da errazagoa erregulartasunez kirola egitea.

Mugitu zaitez. Ia mugitzen ez zaren egunetan, nekatuago sentitzen zara. Normala da. Neke hau mentalagoa da fisikoa baino, eta neke hori arinduko dizuna mugitzea izango da. Energia emango dizu eta deskonektatu egingo duzu.

Adi egon zure sentsazioekin. Kirola egiten duzunean hobeto sentitzen zara, bai fisikoki bai animoz. Beraz, ez utzi nagikeriagatik on egiten dizuna egiten.

Zure entrenamenduak indartu emaitzak azkarrago ikusteko. Nola? Oria Sport Warren jantzi teknikoak erabiliz. Jantzi hauek 6 eta 10 kilo arteko erresistentzia dute, baina 500 g-ko pisua baino ez dute.